Буюк Британия мудофаа вазири Бен Уоллес янги бош вазир Риши Сунакнинг ҳукуматида ҳам ўз лавозимида қолдирилди, деб ёзади «ТАСС». Уоллес аввалги икки бош вазир даврида ҳам мудофаа вазири лавозимида ишлаб келган.
«Парламентнинг ҳурматли аъзоси Бен Уоллес мудофаа вазири лавозимига қайта тайинланди», — дейилади ҳужжатда.
Шунингдек, Мудофаа вазирлиги раҳбари лавозимига даъвогарлар орасида Британия парламенти Жамоатлар палатаси раҳбари Пенни Мордаунт ҳам бор эди. У бу лавозимда 2019 йил, Тереза Мей ҳукумат бошлиғи бўлган даврда ишлаган.
Маълумот ўрнида, аввалроқ Бен Уоллес Буюк Британия бош вазири лавозимига номзодини қўйишни истамаган ва бу лавозимда Борис Жонсонни қўллаб-қувватлашини айтган. Кейинроқ собиқ бош вазир сайловларда иштирок этишдан бош тортгани маълум бўлди.
Изоҳ (0)