Germaniya prezidenti Shtaynmayer Ukrainaga tashrifi chog‘ida bomba boshpanasiga yashirinishga majbur bo‘ldi

Ukrainaga kelgan Germaniya prezidenti Frank-Valter Shtaynmayer bir soatdan ko‘proq bomba boshpanasida o‘tirishga majbur bo‘ldi, deb yozadi “Life.ru”.

Tashrif davomida Germaniya rahbari Chernigov viloyatining Koryukovka shahriga borishga qaror qildi, u yerda mahalliy aholi bilan muloqot chog‘ida havo hujumi haqida ogohlantirish e’lon qilindi.

“Bu bizga har kuni odamlar qanday sharoitlarda yashashi haqidagi aniq tasavvurni taqdim etdi”, — dedi Germaniya rahbari.

Eslatib o‘tamiz, bugun, 25-oktabr Germaniya prezidenti Frank-Valter Shtaynmayer bir necha marta qoldirilgan tashrif bilan Ukrainaga keldi. Siyosatchining kelishi Kiyevda ham, Berlinda ham e’lon qilinmadi. Dastlab uning tashrifi aprel oyida bo‘lib o‘tishi kerak edi, ammo bu amalga oshmadi. Zelenskiy Shtaynmayerni Kiyevda qabul qilishdan bosh tortdi, go‘yoki uning Rossiya bilan “yaqin aloqalari” tufayli. Va keyin Shtaynmayerning o‘zi bir necha hafta ichida kelishilgan 20-oktabrga belgilangan Kiyevga tashrifini bekor qildi. Bu Rossiya maxsus operatsiyasining faol bosqichi fonida sodir bo‘ldi.