НАТО бош котиби Йенс Столтенберг Украина «ифлос бомба»дан фойдаланишига ишонмайди. Бу ҳақда у 24 октябрь, душанба куни Politico газетасининг Европа нашрига берган интервьюсида айтиб ўтди, деб ёзади «ТАСС».
«Киев ‘ифлос бомба’лардан фойдаланиши мумкинлиги ҳақидаги иддаолар бемаънилик. Бу ишни ўзи озод қилиш учун қизғин кураш олиб бораётган ўз ҳудудида қилмайди», — дейди Столтенберг.
Россия Қуролли кучларининг Радиация, кимёвий ва биологик ҳимоя қўшинлари бошлиғи Игорь Кирилловнинг айтишича, Киев режими «ифлос бомба»нинг портлатишини Россиянинг паст рентабелли ғайритабиий ядровий операцияси сифатида ниқоблаши мумкин. Унинг тушунтиришича, «ифлос бомба» портлатилганда, ҳавода радиоактив изотоплар борлиги Европада ўрнатилган халқаро мониторинг тизимининг датчиклари орқали қайд этилади ва кейинчалик Россия Федерациясини тактик ядро қуролидан фойдаланганликда айблашади.
«Ифлос бомба» билан можаролар
23 октябрь куни мудофаа вазири Сергей Шойгу НАТОнинг тўртта давлатидаги ҳамкасблари билан боғланиб, Украина «ифлос бомба» ёрдамида «провокация»ни режалаштираётганини айтди. Украина «ифлос бомба» ҳақидаги хабарларни ёлғон деб атади. Президент Владимир Зеленский Украинада бундай бомбадан фақат Россия фойдаланиши мумкинлигини айтди.
Ғарб давлатлари фикрича, Россиянинг «ифлос бомба» ҳақидаги огоҳлантиришлари янги эскалация учун баҳона. «Украина ўз ҳудудида ифлос бомба қўллашга тайёрланаётгани ҳақидаги Россиянинг очиқдан очиқ ёлғон даъволарини барчамиз рад этамиз», — дейилади Франция, Буюк Британия ва АҚШ ташқи ишлар вазирлари қўшма баёнотида.
Мавзуга доир: Ғарб ‘қизил чизиқ’нинг кенглигини ўлчамаслиги керак» — Мария Захарова
Изоҳ (0)