Kursk viloyati hududiy xavfsizlik qo‘mitasi rahbari Mixail Gorbunov qishloq aholi punktlari va viloyat markazlarida o‘qqa tutilgan taqdirda boshpana qurish zarurligini ma’lum qildi, deb yozadi Meduza.
“Odamlar feldsher-akusherlik punktlari, pochta bo‘limlari, banklar, do‘konlarga tashrif buyuradigan hududlarga kelsak, ularda yerto‘lalar yo‘q. Yaqin atrofda boshpana bo‘lishi zarur. Boshlang‘ich boshpana bu — qazilgan xandaq. Ularni jihozlang. Biz bu haqda allaqachon gaplashganmiz. Biz sizga namunalar, fotosuratlar yuboramiz, ularni qazish qiyin emas, devorlarini jihozlang, odamlar yashirishi uchun chodirlar bilan yoping. Chunki bizdagi punktlar yengil konstruksiyadan iborat. Bularning barchasi parchalar orqali tikiladi. U yerda yashirinib bo‘lmaydi, — dedi Gorbunov.
Shuningdek, qo‘mita rahbari “yerosti makonining ko‘milgan xonalari”ni tozalash ishlari to‘g‘risida hisobot berdi. Unga ko‘ra, bir yarim milliongacha odam Kursk viloyatining yerto‘lalari va shunga o‘xshash binolarida yashirinishi mumkin.
Bundan tashqari, gubernator Roman Starovoyt mintaqaning asosiy magistrallari va chegara hududlarida nazorat kuchaytirilganini, jumladan Kursk atom elektr stansiyasi joylashgan Kurchatov shahrida xavfsizlik choralari kuchaytirilganini ma’lum qildi.
Izoh (0)