“Rossiyada mamlakatni tark etgan mualliflarning asarlarini taqiqlash tendensiyasi yo‘q” — Peskov

Prezident matbuot kotibi Dmitriy Peskov Rossiya mamlakatni tark etgan yoki “xorijiy agent” deb e’lon qilingan madaniyat arboblarining asarlarini taqiqlamasligini ma’lum qildi, deb xabar beradi Meduza.

“Rossiya Federatsiyasidan chiqib ketgan madaniyat arboblarining chiqishlari, san’at asarlarini taqiqlash umumiy tendensiyasi yo‘q”, — dedi Peskov.

Jurnalistlarning yozuvchi Boris Akunin nomi teatr afishalaridan olib tashlanganini va “xorijiy agentlar” deb e’lon qilingan mualliflarning kitoblari kutubxonalardagi ko‘zga tashlanuvchi javonlardan olib tashlanganini ko‘rib chiqish mumkinmi, degan savolga Peskov “bu umumiy emas, ayni o‘sha joy uchun shunday, har bir aniq holatni alohida tushunish kerak” deb javob berdi Shuningdek, u bunday tendensiya “bo‘lishi mumkin emas” va “bu vaziyat uchun deyarli hech qanday sabab yo‘q” deb qo‘shimcha qildi.

Avvalroq Moskva kutubxonasida “xorijiy agent”larning kitoblarini ko‘rinadigan joyga qo‘yish taqiqlangani haqida xabar berilgan edi.