Техаснинг Даллас шаҳридаги Методист тиббиёт марказининг икки ходими муассасадаги отишмада ҳалок бўлди, ҳужумчи қўлга олинди. Бу ҳақда Fox News хабар бермоқда. Техас ҳуқуқ-тартибот ассоциацияси бош директори Чарли Уилкинсоннинг аниқлик киритишича, туғруқхона бўлимининг икки ҳамшираси ҳалок бўлган.
Даллас полициясига кўра, воқеа 22 октябрь куни кечқурун содир бўлган. Ҳужумчи, 30 ёшли Нестор Эрнандес тиббиёт ходимларини отиб ташлаган ва ўзи ҳам касалхона полицияси томонидан ярадор қилинган. Ҳужумчининг аҳволи барқарорлашиб, бошқа касалхонага кўчирилган.
Методист соғлиқни сақлаш полицияси Эрнандесни қотиллик айби билан ҳибсга олди.
Аввалроқ Оклахома штати Талса шаҳрида Майкл Льюис исмли эркак шаҳар тиббий маркази биносига бостириб кириб, аввалроқ ўзини операция қилган жарроҳни отиб ташлаган эди. Бемор шифокорни ўзидаги оғриқлар туфайли ўлдирганини маълум қилган.
Изоҳ (0)