Xitoy sobiq yetakchisi Xu Szintao Kommunistik partiya qurultoyi prezidiumida o‘tirgan vaqtida qo‘ltig‘idan ushlab zaldan olib chiqib ketildi, deb xabar bermoqda BBC. Videolavhalarga qaraganda, 79 yoshli Xu uchun bu kutilmagan vaziyat bo‘lgan, u o‘z joyini tark etishni istamagan. Hodisa sabablari haqida xabar berilmayapti.
Xu Szintao prezidiumda mamlakatning amaldagi raisi Si Szinpin bilan yonma-yon o‘tirgan. Xu Szintao prezidiumni tark etayotganida Siga qarata nimadir dedi, u esa bunga javoban bosh irg‘idi. Shundan keyin Xitoy sobiq rahbari majlislar zalidan olib ketildi.
Qurultoyning yopilish marosimida Xu Szintaoning joyi bo‘sh qoldi.
Xitoy Kommunistik partiyasining 16-oktabrdan 22-oktabrgacha bo‘lib o‘tadigan qurultoyidan keyin Si Szinpin yana besh yillik muddatga partiya va mamlakat yetakchisi sifatida saylanishi kutilmoqda.
Bunga qadar qurultoy delegatlari Xitoy Kommunistik partiyasining yangi Markaziy qo‘mitasi saylagan va rais Si tomonidan taklif etilgan, Kompartiyaning sotsializm haqidagi ustaviga tuzatishlarni ma’qullagan edi.
Xu Szintao 2003-yildan 2013-yilgacha Xitoy yetakchisi bo‘lgan va besh yillik ikkita muddatdan keyin hokimiyatni Si Szinpinga topshirgan.
Izoh (0)