Ozarbayjon, Qozog‘iston, Qirg‘iziston, Turkiya va O‘zbekistonni o‘z ichiga oluvchi Turkiy davlatlar tashkiloti yagona alifbo yaratilishini muhokama qilmoqda. Bu haqda Anadolu agentligi xabar berdi.
Til hamjihatligi va turkiy davlatlarning umumiy alifboga o‘tishi jarayonini tezlashtirish maqsadida yagona alifboni yaratish bo‘yicha komissiya tuzildi. Unga turkiy davlatlarda til siyosati bilan shug‘ullanuvchi har bitta rasmiy tuzilmadan ikki nafardan a’zo kiradi. Komissiyaning birinchi yig‘ilishi Qirg‘izistonda bo‘lib o‘tadi.
Yagona alifbo yaratish bo‘yicha komissiyani shakllantirish haqidagi qaror Turkiyaning Bursa shahrida bo‘lib o‘tgan “Turk dunyosining yagona alifbosi bo‘yicha seminar”da Turkiya davlatlar tashkilotiga ko‘rib chiqish uchun taqdim etildi.
Seminarda turkiya davlatlar olimlari o‘z mamlakatlarida yuz bergan tarixiy til jarayonlari va alifbo haqida ma’lumotlar taqdim etdi hamda umumiy alifboga o‘tish va uni turkiy davlatlar orasida tarqatish jarayonini tezlashtirish ahamiyatini qayd etdi.
Izoh (1)
Turkiy xalqar do'stligi hamda davlatlar integratsiyasi yanada mustahkamlansin