Buyuk Britaniya sobiq bosh vaziri Boris Jonson Konservativ partiya rahbari va mos ravishda, keyingi hukumat rahbari lavozimi uchun saylovlarda qatnashishga tayyor, shuning uchun u dengiz bo‘yidagi ta’tilini to‘xtatdi. Bu haqda Sky News uning safdoshiga tayanib xabar bergan.
Konservativ partiyadan parlament a’zosi Jeyms Dadrij telekanalga ma’lum qilishicha, Jonson yetakchilik uchun poygada qatnashishni rejalashtirmoqda.
Ayni paytda sobiq bosh vazir Karib orollaridagi ta’tilidan qaytib kelmoqda, deya qo‘shib qo‘ydi u.
Saylovda qatnashish uchun Jonson 24-oktabr, dushanba kuni 14:00 (Toshkent vaqti bilan 18:00)gacha konservator deputatlardan 100 ta nominatsiya yig‘ishi kerak. Ani paytda uni ochiqcha qo‘llab-quvvatlaganlar 43 kishini tashkil qilmoqda. Sobiq moliya vaziri Rishi Sunak allaqachon 74 ta, jamoatchilik palatasi yetakchisi Penni Mordont esa (u saylovda qatnashish rejasi haqida rasman e’lon qilgan hozircha yagona da’vogar) 18 ta nominatsiya to‘plashga ulgurgan.
Liz Trass nima uchun bosh vazirlikdan ketdi?
Bosh vazir Liz Trass iqtisodiy muammolarni yechishga qodir emaslikda ayblanganidan keyin, 20-oktabr kuni iste’foga chiqishi haqida e’lon qildi. U bosh vazir lavozimini 45 kun davomida egallab turdi, bu zamonaviy Britaniya tarixida rekord darajada qisqa muddatdir. Bu vaqt mobaynida u kansler Kvazi Kvarteng bilan birgalikda taqdim etilgan Kelsi yil uchun qisqa budjet loyihasi uchun tanqidga uchrashga ulgurdi, shundan keyin mamlakatda moliya va ipoteka bozorlari keskin pasayib ketdi.Shuningdek, Trass Kvartengning taklifi bilan soliqlarni kamaytirish va ayni vaqtda boy britaniyaliklar uchun soliq majburiyatlarini susaytirishni rejalashtirgani uchun ham tanqid qilindi. Shundan keyin Buyuk Britaniyaning besh yillik davlat obligatsiyalari daromadliligi 4,6 foizga, maksimal darajagacha o‘sdi, bu esa mamlakat qarz qog‘ozlariga talab pasayganini bildiradi. Funt sterling kursi ham tushib ketdi va dollar kursiga deyarli teng bo‘lib qoldi. Mojarodan keyin u Kvartengni ishdan bo‘shatdi, biroq bu uni bosimlardan saqlab qolmadi, oxir-oqibat u iste’fo berdi.
Izoh (0)