Озарбайжон, Қозоғистон, Қирғизистон, Туркия ва Ўзбекистонни ўз ичига олувчи Туркий давлатлар ташкилоти ягона алифбо яратилишини муҳокама қилмоқда. Бу ҳақда Anadolu агентлиги хабар берди.
Тил ҳамжиҳатлиги ва туркий давлатларнинг умумий алифбога ўтиши жараёнини тезлаштириш мақсадида ягона алифбони яратиш бўйича комиссия тузилди. Унга туркий давлатларда тил сиёсати билан шуғулланувчи ҳар битта расмий тузилмадан икки нафардан аъзо киради. Комиссиянинг биринчи йиғилиши Қирғизистонда бўлиб ўтади.
Ягона алифбо яратиш бўйича комиссияни шакллантириш ҳақидаги қарор Туркиянинг Бурса шаҳрида бўлиб ўтган «Турк дунёсининг ягона алифбоси бўйича семинар»да Туркия давлатлар ташкилотига кўриб чиқиш учун тақдим этилди.
Семинарда туркия давлатлар олимлари ўз мамлакатларида юз берган тарихий тил жараёнлари ва алифбо ҳақида маълумотлар тақдим этди ҳамда умумий алифбога ўтиш ва уни туркий давлатлар орасида тарқатиш жараёнини тезлаштириш аҳамиятини қайд этди.
Изоҳ (1)
Turkiy xalqar do'stligi hamda davlatlar integratsiyasi yanada mustahkamlansin