Toshkent shahar, Mirzo Ulug‘bek tumani, Hamid Olimjon maydonidagi savdo do‘koni va omborxonaning bir qismi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga Davlat aktivlarini boshqarish agentligi tomonidan joylashtirilgan. Yerga bo‘lgan huquq turi — ijara.
Yer uchastkasining umumiy maydoni — 0,01 gektar. Binoning maydoni — 590 kvadrat metr. Binoda, suv, elektr ta’minoti va kanalizatsiya tizimi bor. Gaz ta’minoti esa yo‘lga qo‘yilmagan.
Auksionga qo‘yilgan savdo do‘konining boshlang‘ich bahosi — 8,2 mlrd so‘m. Arizalar 24-noyabr 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Chorvoqdagi dam olish maskani auksionda 34 mlrd so‘mga sotilgani haqida xabar berilgandi.
Izoh (0)