50 dan ortiq xalqaro kompaniyalar Rossiyadan Qozog‘istonga ko‘chib o‘tgani ma’lum bo‘ldi. Bu haqda mamlakat prezidenti Qosim-Jo‘mart To‘qayevga tayanib, “RBK” xabar bermoqda.
Ularning barchasini yirik shaharlarda jamlash samarasiz. Hukumat Olmaota yaqinida BAKAD perimetri bo‘ylab shunday sanoat korxonalarini joylashtirishni ishlab chiqishi maqsadga muvofiq, bu esa viloyat iqtisodiyotiga katta yordam beradi, — dedi prezident.
Uning so‘zlariga ko‘ra, viloyatda ikkita sanoat zonasi faoliyat ko‘rsatmoqda, yana ikkitasi tashkil etilmoqda. Olmaota va yangi viloyat markazi Qo‘nayev o‘rtasida yo‘ldosh shahar barpo etilmoqda, u yerda maxsus iqtisodiy zona ochiladi.
Qozog‘iston bosh vaziri Alixon Smailovning ta’kidlashicha, 56 kompaniya o‘z ofislarini Rossiyadan mamlakatga ko‘chirish istagini bildirgan.
Ro‘yxatda jami 300 dan ortiq yirik korxonalar, jumladan, Amerikaning Honeywell boshqaruv tizimlari ishlab chiqaruvchisi, inDriver xalqaro xizmati, Avstraliyaning Fortescue kon kompaniyasi va Yaponiyaning Marubeni savdo kompaniyasi ham bor.
Avvalroq Qozog‘istonga kirib kelayotgan rossiyaliklar soni kamaygani ma’lum qilingani haqida xabar berilgandi.
Izoh (0)