Rossiya turoperatorlari assotsiatsiyasi ma’lumotlariga ko‘ra, sentabr oxiridan beri aviachiptalar narxi 4—10 barobarga arzonlashgan. Bu haqda “Upl.uz”ga tayanib, Forbes xabar bermoqda.
Rossiyadan O‘zbekistonga sentabr oxiridagi reys narxi 11,7 million so‘mdan boshlangan. Bu Rossiyada qisman safarbarlikning boshlanishi bilan bog‘liq edi.
Bugungi kunga kelib chiptalar narxi arzonlashdi va bagajsiz 3,2 million so‘mni, bagaj bilan esa 4,3 million so‘mni tashkil qilmoqda.
Buning sababi shundaki, Rossiyaning ko‘plab mintaqalarida e’lon qilingan safarbarlik allaqachon yakunlanmoqda. Qolaversa, Rossiyani tark etmoqchi bo‘lganlar buni allaqachon amalga oshirgan va chiptalarga bo‘lgan talab keskin kamaygan.
2022-yilning 21-sentyabr kuni Rossiya prezidenti Vladimir Putin qisman safarbarlik boshlanganini e’lon qildi, shundan so‘ng yuz minglab rossiyaliklar mamlakatni tark etib, Kavkaz va Markaziy Osiyo mamlakatlariga yo‘l oldi.
Izoh (0)