Finlyandiyaning Rossiyada 15 yildan beri faoliyat yuritib kelayotgan Orion Pharma (OP) farmatsevtika kompaniyasi Rossiyadagi vakolatxonasini tugatishni boshladi. Bu haqda “Vedomosti” xabar bermoqda.
OP’ning Rossiyadan ketishi G‘arb farmatsevtika kompaniyasi uchun Rossiyadagi biznes operatsiyalarini qisqartirishda birinchi pretsedent bo‘lishi mumkin. Endi ishlab chiqaruvchi Rossiyadagi xodimlarini ishdan bo‘shatadi.
Orion Pharma’ning ketishi G‘arb kompaniyalarining Rossiya bilan hamkorlikdan voz kechish tendensiyasining bir qismi va Finlyandiyaning boshqa ishlab chiqaruvchilari bilan “birdamlik ishorasi” sifatida ko‘rilishi kerak, chunki mamlakat OP uchun eng katta bozorlardan biri hisoblanadi.
2022-yilning birinchi ikki choragida Rossiya va Sharqiy Yevropa bozorlari OP’ning umumiy sotuvining 17 foizgacha (44 milliard dollar) ulushini tashkil etdi. Kompaniyaning yuqori savdo ko‘rsatkichlari faqat Finlyandiyada qayd etilgan.
Avvalroq Rossiya kompaniyalari O‘zbekistonda dori vositalari ishlab chiqarishni rejalashtirayotgani haqida xabar berilgandi.
Izoh (0)