Bugun, 19-oktabr kuni Germaniyaning BMW avtomobil ishlab chiqaruvchisi AQSHda elektromobillar ishlab chiqarishga 1,7 milliard dollar sarmoya kiritish rejasini ma’lum qildi. Bu haqda “Kommersant” xabar bermoqda.
Bu biz amalga oshirgan eng katta maqsadli sarmoyadir, — dedi BMW Group bosh direktori Oliver Zipse.
1 milliard dollar kompaniyaning Spartanburgdagi (AQSH, Janubiy Karolina) zavodini ta’mirlashga, 700 million dollar esa Janubiy Karolina shtatining Vudruff shahrida elektr avtomobil akkumulyatorlari zavodini qurishga sarflanadi.
BMW 2030-yilgacha AQSHda kamida oltita to‘liq elektr model ishlab chiqarishni rejalashtirayotganini aytdi.
Sentabr oyida kompaniya yangi avlod akkumulyatorlarini ishlab chiqarish uchun oltita zavod qurish rejasini e’lon qildi.
Avvalroq Hyundai AQSHda yangi elektromobil zavodini qurishi haqida xabar berilgan edi.
Izoh (0)