Bektemir tumanidagi chiqindini qayta ishlash zavodida yong‘in sodir bo‘ldi (video)

Toshkent shahri Bektemir tumanidagi chiqindilarni qayta ishlash zavodida 20-oktabr kuni yong‘in sodir bo‘ldi. Bu haqda Favqulodda vaziyatlar vazirligi axborot xizmati xabar berdi.

Qayd etilishicha, soat 18:04 da Bektemir tumani Husayn Bayqaro ko‘chasida joylashgan “Suvmash” chiqindilarni qayta ishlash zavodi hududida yong‘in bo‘layotgani to‘g‘risida Toshkent shahri Favqulodda vaziyatlar boshqarmasiga xabar kelib tushgan.

Voqea joyiga 6 ta yong‘in-qutqaruv ekipaji soat 18:08 da yetib borib, yong‘in soat 18:26 da qurshab olingan va soat 18:38 da yong‘in batamom o‘chirilgan. Yong‘inning kelib chiqish sababi va zarari miqdori aniqlanmoqda.

Mavzuga doir:

• Keles shaharchasida sodir bo‘lgan yong‘in yuzasidan ma’lumot berildi
• Andijondagi “Jahon bozori”da yong‘in yuz berdi (video)