“Daryo” internet-nashri hamda Toshkent shahri hokimligi qoshidagi Jamoatchilik kengashi hamkorligida tashkil etilgan “Mahalla. Muammo. Mulohaza” loyihasining 3-soni mehmoni adliya vazirining davlat tili masalalari bo‘yicha maslahatchisi, bloger Shahnoza Soatova bo‘ldi. Ko‘rsatuvning bu galgi mavzusi — o‘zbek tilini o‘rganish muammolari.
Shahnoza Soatovaning qayd etishicha, 21-oktabr sanasining O‘zbek tili bayrami kuni sifatida belgilangani, prezident tomonidan imzolangan qator hujjatlar sabab davlat tilini rivojlantirish jarayonlari boshlangan.
“To‘g‘ri, fuqarolar o‘zbek tili mavzusiga faqat 21-oktabr kuni to‘qnash kelar. Ammo biz — davlat tashkilotlari rahbarlarining davlat tili masalalari bo‘yicha maslahatchilari har kuni shu masala bilan shug‘ullanamiz.
Ijro organlarida davlat tilida ish yuritish, lotin alifbosiga o‘tish bo‘yicha ishlar boshlangan. Avvalgidek faqat ehtiroslar emas hozir, amaliy ishga o‘tilgan. Ish yuritish tartibga solinyapti.
Masalan, hozir normativ-huquqiy hujjatlar lingvistik ekspertizasi joriy qilinyapti. 2023-yil boshidan boshlab qonun hujjatlarini lingvistik ekspertiza qilamiz. Bu ham yangi amaliyot”, — deydi ko‘rsatuv mehmoni.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)