Buxoro viloyati Olot tumanida ayol o‘qotar qurol otilib ketishi oqibatida jarohatlandi. Bu haqda viloyat IIB matbuot xizmati xabar berdi.
Ma’lum qilinishicha, 19-oktabr kuni taxminan soat 09:30 larda Olot tumani “Davlatboy” mahallasida yashovchi fuqaro turmush o‘rtog‘i bilan Buxoro shahriga borish maqsadida qo‘shnisi boshqaruvida bo‘lgan Nexia-3 orqa o‘rindig‘iga o‘tirayotgan vaqtida, avtomashina egasi tomonidan orqa o‘rindiqda qoldirilgan, o‘z nomiga rasmiylashtirilgan “TOZ-20” rusumli 20 kalibrli 2 nilli o‘qotar ov quroli qurolni saqlash va olib yurish qoidalariga rioya qilinmagani sababli o‘z-o‘zidan otilib ketgan.
Oqibatda ayol ikkala oyoqlarining boldir suyaklari ochiq maydalanib sinishiga sabab bo‘lgan.
Mazkur holat yuzasidan Jinoyat kodeksining 249-moddasi (qurolni va uning o‘q-dorilarini saqlash, olib yurish, tashish qoidalarini buzish) bilan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)