Germaniyalik tergovchilar Boltiq dengizidagi “Shimoliy oqim 1” va “Shimoliy oqim 2” gaz quvurlari yaqinida sodir bo‘lgan bir nechta portlashlar katta ehtimol bilan sabotaj natijasida sodir bo‘lganini aniqladi. Bu haqda “TASS” xabar berdi.
Nashrning yozishicha, germaniyalik ekspertlar gumon qilinayotgan qo‘poruvchilikni muayyan subyektning harakatlari bilan bog‘lay olmadi.
Shunga qaramay, ba’zi Germaniya rasmiylari portlashlar ortida Rossiya turibdi degan taxminni olg‘a surmoqda.
Ushbu qo‘poruvchilik harbiy suvosti kemasidan amalga oshirilgan bo‘lishi ehtimoldan yiroq emas.
Ma’lum bo‘lishicha, sodir bo‘lgan harakatlardan biri portlovchi moslamalar orqali amalga oshirilgan. Ular kemadan suvga tushirilgan va masofadan turib ishga tushirilgan.
14-oktabr kuni Germaniyaning ARD telekanali hukumatdagi manbalarga tayanib, tergov natijalari haqida xabar berdi.
Unga ko‘ra, mamlakat tergovchilari Bundesverning suvosti uchuvchisiz samolyoti tomonidan “Shimoliy oqim”dagi favqulodda hodisa ro‘y bergan joyda olingan fotosuratlarni o‘rganib chiqib, zarar faqat “portlovchi moddalarni qo‘llash natijasida bo‘lgan bo‘lishi mumkin” degan xulosaga kelgan.
Gaz sizib chiqishi diametri 8 metrni tashkil etadi. Har ikkala quvur liniyasi shikastlangan. “Shimoliy oqim 2” ning faqat bitta liniyasiga zarar yetmagan, — deb ta’kidladi ARD.
Avvalroq nega Shvetsiya “Shimoliy oqim”dagi portlashlarni qo‘shma tekshiruv asosida amalga oshirmayotgani haqida xabar berilgandi.
Izoh (0)