“IT Women” loyihasi doirasida 16 yoshdan 35 yoshgacha bo‘lgan yosh ayollar uchun qisqa muddatli o‘quv kurslari uchun arizalar qabul qilinmoqda. Bu haqda IT Park xabar bermoqda.
Bu kursda kompyuter savodxonligi hamda muvaffaqiyatli biznes loyihalarni rejalashtirish va amalga oshirish bo‘yicha asosiy bilimlarga ega bo‘lish mumkin.
Kurslar butun mamlakat bo‘ylab IT Park huzuridagi IT markazlar asosida o‘tkaziladi. O‘qish bepul, oflayn tarzda, o‘zbek tilida tashkil etiladi.
Kursda ishtirok etish uchun havola orqali ro‘yxatdan o‘tish talab etiladi.
“IT Women” loyihasi IT Park, Axborot texnologiyalari va kommunikatsiyalarini rivojlantirish vazirligi, Iqtisodiy taraqqiyot va kambag‘allikni qisqartirish vazirligi va BMT Taraqqiyot dasturi bilan hamkorlikda amalga oshiriladi.
Avvalroq Qoraqalpog‘istonda IT-Women dasturi ishga tushgani haqida xabar berilgandi.
Izoh (0)