Германиялик терговчилар Болтиқ денгизидаги «Шимолий оқим 1» ва «Шимолий оқим 2» газ қувурлари яқинида содир бўлган бир нечта портлашлар катта эҳтимол билан саботаж натижасида содир бўлганини аниқлади. Бу ҳақда «ТАСС» хабар берди.
Нашрнинг ёзишича, германиялик экспертлар гумон қилинаётган қўпорувчиликни муайян субъектнинг ҳаракатлари билан боғлай олмади.
Шунга қарамай, баъзи Германия расмийлари портлашлар ортида Россия турибди деган тахминни олға сурмоқда.
Ушбу қўпорувчилик ҳарбий сувости кемасидан амалга оширилган бўлиши эҳтимолдан йироқ эмас.
Маълум бўлишича, содир бўлган ҳаракатлардан бири портловчи мосламалар орқали амалга оширилган. Улар кемадан сувга туширилган ва масофадан туриб ишга туширилган.
14 октябрь куни Германиянинг АRD телеканали ҳукуматдаги манбаларга таяниб, тергов натижалари ҳақида хабар берди.
Унга кўра, мамлакат терговчилари Бундесвернинг сувости учувчисиз самолёти томонидан «Шимолий оқим»даги фавқулодда ҳодиса рўй берган жойда олинган фотосуратларни ўрганиб чиқиб, зарар фақат «портловчи моддаларни қўллаш натижасида бўлган бўлиши мумкин» деган хулосага келган.
Газ сизиб чиқиши диаметри 8 метрни ташкил этади. Ҳар иккала қувур линияси шикастланган. «Шимолий оқим 2» нинг фақат битта линиясига зарар етмаган, — деб таъкидлади АRD.
Аввалроқ нега Швеция «Шимолий оқим»даги портлашларни қўшма текширув асосида амалга оширмаётгани ҳақида хабар берилганди.
Изоҳ (0)