Hukumat qarori bilan “Paralimpiya sport turlari bo‘yicha mutaxassislarni qayta tayyorlash va malakasini oshirish tartibi to‘g‘risida”gi nizom tasdiqlandi. Bu haqda Telegram’dagi “Huquqiy axborot” kanali xabar berdi.
Nizom bilan paralimpiya sport turlari bo‘yicha mutaxassislarni qayta tayyorlash va malakasini oshirish tartibi belgilandi.
Unga ko‘ra, paralimpiya sport turlari bo‘yicha mutaxassislar to‘rt yilda kamida bir marta malaka oshirishlari shart.
Mutaxassislarning kasbiy bilimi, ko‘nikmasi va mahoratini oshirish, zamon talablariga muvofiq ta’lim sifatini ta’minlash uchun zarur darajada kasbiy tayyorgarligini rivojlantirish paralimpiya sport turlari bo‘yicha mutaxassislarni ilmiy-metodik ta’minlash, qayta tayyorlash va malakasini oshirishning asosiy vazifalaridan biri hisoblanadi.
Mutaxassislarni qayta tayyorlash quyidagi shakllarda amalga oshiriladi:
- pedagogik qayta tayyorlash;
- kasbiy qayta tayyorlash;
- maxsus o‘quv kurslarda o‘qitish.
- to‘g‘ridan-to‘g‘ri malaka oshirish (ta’lim dasturlari bo‘yicha o‘qitish);
- ilmiy-tadqiqot muassasasida tajriba orttirish;
- xorijda tajriba orttirish;
- mustaqil o‘qib bilim orttirish;
- masofaviy ta’lim.
Izoh (0)