Xitoy davlat kompaniyalariga suyultirilgan gazni (LNG) Yevropa va Osiyoga qayta sotishni taqiqlandi. Bu haqda Bloomberg xabar bermoqda.
Shu tarzda mamlakat ichida isitish mavsumi uchun gaz zaxirasini ta’minlash rejalashtirilmoqda.
LNG’ni qayta sotish yevropalik xaridorlarga biroz yengillik keltirgan bo‘lsa-da, tezkor zaxiralar va rekord darajadagi yuk tashish narxi yoqilg‘ini qayta yetkazib berish manfaatini kamaytirdi, — deyiladi xabarda.
Agentlikka ko‘ra, Xitoyning bu qarori qish sovuq kelgan taqdirda Yevropaga yetkazib berishning qisqarishiga va mintaqadagi energetika inqirozini yanada kuchayishiga olib keladi.
Xitoy bir qator eksportyorlardan, shu jumladan, AQSHdan LNG sotib olish bo‘yicha yirik shartnomalar imzoladi, osiyolik treyderlar esa “ichki talabning sustligi” tufayli bu yil ta’minotning bir qismini Yevropaga yo‘naltirmoqda.
Avvalroq Xitoy AQSHdan Yevropaga LNG’ni qayta sotish orqali yuz millionlab dollar ishlab olayotgani haqida xabar berilgandi.
Xitoyda gazga bo‘lgan talabning kamayishi tufayli AQSH bilan uzoq muddatli LNG shartnomalarini imzolagan mahalliy kompaniyalar ortiqcha xomashyoni Yevropaga sotayotgandi.
Joriy yilning dastlabki sakkiz oyida Xitoy portlariga bor-yo‘g‘i 19 ta LNG kemasi kelgan bo‘lsa, o‘tgan yilning shu davridagi bunday kemalar soni 133 tani tashkil etgan edi.
Bu yil ularning salmoqli qismi Yevropa, shuningdek, Yaponiya va Janubiy Koreyadagi xaridorlarga yo‘naltirildi.
Izoh (0)