“Real” klubi va Fransiya terma jamoasi hujumchisi Karim Benzema “Oltin to‘p” sohibiga aylandi.
Benzema 34 yosh-u 290 kunligida ushbu sovringa ega chiqdi va “Oltin to‘p”ning eng yoshi katta egalari orasida ikkinchi o‘rinni band etdi. Faqat 1956-yilda sovringa ega chiqqan Stenli Mettyuz (41 yosh-u 321 kun) bu borada undan oldinda.
Karim “Oltin to‘p” sovrinini qo‘lga kiritgan tarixdagi beshinchi fransuz futbolchisiga aylandi. Undan avval Raymon Kopa (1958), Mishel Platini (1983, 1984, 1985), Jan Pyer Papen (1991) va Zinedin Zidan (1998) “Oltin to‘p”ga ega chiqqandi.
Fransiyalik futbolchi “Oltin to‘p”ga ega chiqqan “Real”ning sakkizinchi vakili bo‘ldi. Ungacha Raymon Kopa, Alfredo Di Stefano (2), Luish Figu, Ronaldo, Fabio Kannavaro, Krishtianu Ronaldu (4) va Luka Modrich mazkur sovringa ega bo‘lgan.
Mavzuga doir: Ronaldu — 20, van Deyk — 16, Son esa 11-o‘rinda. “Oltin to‘p” sovriniga ovoz berishning dastlabki natijalari e’lon qilindi
Izoh (0)