France Football nashri 2022-yilning eng yaxshi futbolchisiga topshiriladigan “Oltin to‘p” sohibini ma’lum qildi.
Unga ko‘ra, “Real” klubi va Fransiya terma jamoasi hujumchisi Karim Benzema yilning eng yaxshi o‘yinchisi deb topildi.
Shu tariqa Benzema faoliyatida ilk bor “Oltin to‘p”ga ega chiqdi. O‘tgan yili Lionel Messi ushbu sovringa ega chiqqandi. 2020-yilda esa sovrin koronavirus pandemiyasi tufayli topshirilmadi va Messi amaldagi g‘olib bo‘lib turgandi. 2018-yilda esa “Real” yarim himoyachisi Luka Modrich sovringa loyiq ko‘rilgan.
Karim 2022-yilda madridliklar bilan Ispaniya Chempionati, Chempionlar Ligasi, Ispaniya Superkubogi va UEFA Superkubogida zafar quchdi.
“Bavariya” futbolchisi Sadio Mane futboldan tashqarida qilayotgan xayriya ishlari uchun “Sokrates” nomidagi mukofotini qo‘lga kiritdi.
“Barselona” hujumchisi Robert Levandovski “Gerd Myuller” nomidagi mukofotga sazovor bo‘ldi.
“Oltin to‘p—2022” sovringa da’vogarlik qilgan futbolchilar kuchli o‘nligi bilan tanishing:
1. Karim Benzema (Fransiya, “Real”);
2. Sadio Mane (Senegal, “Liverpul”);
3. Kevin de Bryuyne (Belgiya, “Manchester Siti”);
4. Robert Levandovski (Polsha, “Barselona”);
5. Muhammad Saloh (Misr, “Liverpul”);
6. Kilian Mbappe (Fransiya, “PSJ”);
7. Tibo Kurtua (Belgiya, “Real”);
8. Vinisius Junior (Braziliya, “Real”);
9. Luka Modrich (Xorvatiya, “Real”);
10. Erling Holand (Norvegiya, “Borussiya D”/“Manchester Siti”).
- Gavi (“Barselona”) — yilning eng yaxshi yosh futbolchisi;
- Aleksiya Puteliyas (“Barselona”) — yilning eng yaxshi ayol futbolchisi;
- Tibo Kurtua (“Real”) — yilning eng yaxshi darvozaboni;
- “Manchester Siti” (Angliya) — yilning eng yaxshi klubi.
Izoh (0)