Angliya Premyer Ligasi 2023-yil AQSHda mavsumoldi musobaqa o‘tkazishni rejalashtirmoqda.
Turnirning yakuniy formati hali aniq emas, biroq unda ikki guruhga bo‘lingan 6 ta jamoa ishtirok etishi kutilmoqda. O‘yinlar AQSHning sharqiy va g‘arbiy sohillaridagi bir nechta shaharda bo‘lib o‘tadi. Bu haqda The Athletic jurnalisti Devid Ornshteynga tayanib “Chempionat” xabar qilmoqda.
Ushbu mavsumoldi musobaqasi Premyer Liganing Angliyadan tashqari o‘yinlarni o‘tkazish yo‘lidagi dastlabki qadami bo‘ladi.
Avvalroq APL yulduzlaridan iborat jamoa tuzilib, u boshqa ligalar yulduzlari bilan o‘yin o‘tkazishi. Mazkur bahslar Yevropada tashqarida, xususan, AQSHda o‘tkazilishi mumkinligi xabar qilingandi.
2022/23-yilgi mavsum Angliya chempionatida 27 ochko bilan “Arsenal” yetakchilik qilmoqda. Eng yaqin ta’qibchilar “Manchester Siti” va “Tottenhem” mos ravishda 2 va 3-o‘rinlarni egallab turibdi.
Izoh (0)