Qoraqalpog‘istonning Nukus shahridagi chorrahalarda odamlarga beminnat xizmat ko‘rsatib, chorrahadan o‘tishiga ko‘maklashuvchi odam bor. “Daryo” muxbiri Shuhrat Saidahmadov xalq tilida “svetofor odam” deya nom olgan kishining shahar chorrahalaridan biridagi ishiga guvoh bo‘ldi. Va unga sezdirmasdan tasvirga oldi.
Odamlarning aytishicha, ism-sha’rifi “Daryo” muxbiriga noma’lum kishi Nukus shahrida “svetofor odam” nomini olgan.
U har kuni piyodalar o‘tish yo‘lakchasida “svetofor”lik qiladi. Otaxon bugun “Xo‘jayli guzari”dan o‘tuvchi piyodalar yo‘lakchasida xizmat qilmoqda. U maktab o‘quvchilari va yosh bolali onalarga yo‘ldan o‘tishga yordam bermoqda, — deydi “Daryo” muxbiri bilan suhbatlashgan suhbatdoshlarning biri.Uni yaxshi tanigan, ammo ism-sharifini bilmaydigan yana bir suhbatdosh otaxon har kuni shaharning turli chekkalarida bo‘lishini aytmoqda.
Otaxon har kuni har xil chorrahaga boradi. “Peshexod”dan eson-omon o‘tib olganlar unga rahmat aytib ketishadi. Otaxon esa manzilini o‘zgartirib, eng gavjum chorralarga borib, xizmat qilishdan charchamaydi, — deydi u.
Izoh (0)