Қорақалпоғистоннинг Нукус шаҳридаги чорраҳаларда одамларга беминнат хизмат кўрсатиб, чорраҳадан ўтишига кўмаклашувчи одам бор. «Дарё» мухбири Шуҳрат Саидаҳмадов халқ тилида «светофор одам» дея ном олган кишининг шаҳар чорраҳаларидан биридаги ишига гувоҳ бўлди. Ва унга сездирмасдан тасвирга олди.
Одамларнинг айтишича, исм-шаърифи «Дарё» мухбирига номаълум киши Нукус шаҳрида «светофор одам» номини олган.
У ҳар куни пиёдалар ўтиш йўлакчасида «светофор»лик қилади. Отахон бугун «Хўжайли гузари»дан ўтувчи пиёдалар йўлакчасида хизмат қилмоқда. У мактаб ўқувчилари ва ёш болали оналарга йўлдан ўтишга ёрдам бермоқда, — дейди «Дарё» мухбири билан суҳбатлашган суҳбатдошларнинг бири.Уни яхши таниган, аммо исм-шарифини билмайдиган яна бир суҳбатдош отахон ҳар куни шаҳарнинг турли чеккаларида бўлишини айтмоқда.
Отахон ҳар куни ҳар хил чорраҳага боради. «Пешеход»дан эсон-омон ўтиб олганлар унга раҳмат айтиб кетишади. Отахон эса манзилини ўзгартириб, энг гавжум чорраларга бориб, хизмат қилишдан чарчамайди, — дейди у.
Изоҳ (0)