Toshkentning Yangihayot tumanida sobiq “Toshissiqquvvat” DUK hozirda Veolia Energy Tashkent XK MCHJ tuman boshqarmasi texnik inspektori pora olayotganida qo‘lga tushgandi. Xorijiy kompaniya matbuot xizmati bunga munosabat bildirdi.
Inspektor B.J. fuqaro F.ning xonadonida issiq suv iste’moli uchun mavjud bo‘lgan 6,2 million so‘m qarzdorlikni yo‘q qilib berish evaziga 400 dollarni olganda ushlangan. Kompaniya ushbu huquqbuzarlikni keskin qoralab, o‘zi faoliyat yuritayotgan mamlakatlarda amaldagi qonunlar va qoidalarga amal qilishini ma’lum qildi.
“Kompaniya rasmiy vazifalarning asosiy tamoyillarini ifodalovchi Ichki mehnat qoidalarini ishlab chiqdi, shuningdek, yaqin kelajakda kuchga kirishi kerak bo‘lgan Ishbilarmonlik xulq-atvori va korporativ etika tartibini ishlab chiqmoqda”, — deyiladi kompaniya munosabatida.
Mazkur holat yuzasidan Jinoyat kodeksining 168-moddasi (firibgarlik) va 28, 192-9-moddasi (tijoratda pora evaziga og‘dirib olish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)