Qashqadaryodan Toshkentga olib ketilayotgan 110 kilogramm go‘sht to‘xtatib qolindi. Bu haqda IIV Jamoat xavfsizligi departamenti xabar berdi.
Ma’lum qilinishicha, Kitob tumanida joylashgan “Mingchinor” YPX maskanida olib borilgan nazorat reyd tadbirlari davomida Qashqadaryo—Toshkent yo‘nalishida harakatlanib kelayotgan fuqaro J.K. boshqaruvidagi Nexia-2 tekshirilgan.
Natijada avtotransport vositasida veterinariya-sanitariya talablariga zid ravishda hech qanday hujjatlarsiz, kelib chiqishi noma’lum bo‘lgan jami 110 kilogramm og‘irlikdagi sifatsiz go‘sht mahsulotlari olib ketilayotganligi aniqlanib, o‘rnatilgan tartibda yoqish yo‘li orqali yo‘q qilingan.
Mavzuga doir: Surxondaryodan Toshkentga olib ketilayotgan iste’molga yaroqsiz go‘sht ortilgan mashina to‘xtatib qolindi
Izoh (0)