Surxondaryo viloyatining Sherobod tumanida uylanishini aytib, qizning 100 million so‘mlik buyumlarini o‘zlashtirgan yigitga jinoyat ishi qo‘zg‘atildi.
Viloyat IIB matbuot xizmatining ma’lum qilishicha, tumanning “Qo‘rg‘on” mahallasida yashovchi qiz bu haqda 5-oktabr kuni IIBga ariza bilan murojaat qilgan. Unda shu tumanda yashovchi yigit 2019-yildan hozirgi kunga qadar unga uylanishini aytib, jami 100 million so‘mlik narsa buyumlarini o‘zlashtirib ketganini bildirgan.
Holat yuzasidan yigitga nisbatan Jinoyat kodeksining 168-moddasi 3-qismi “a” bandi (ko‘p miqdorda firibgarlik) bilan jinoyat ishi qo‘zg‘atilgan.
Izoh (0)