Davlat fuqarolik xizmatchilari odob-axloqining namunaviy qoidalari, Odob-axloq komissiyasi to‘g‘risidagi namunaviy nizom tasdiqlandi, deb xabar bermoqda Davlat xizmatini rivojlantirish agentligi matbuot xizmati.
Qayd etilishicha, namunaviy nizom Vazirlar Mahkamasining 14-oktabrdagi “Davlat fuqarolik xizmatchilari tomonidan odob-axloq qoidalariga rioya etilishini ta’minlash bo‘yicha qo‘shimcha chora-tadbirlar to‘g‘risida”gi qarori bilan tasdiqlandi.
Davlat fuqarolik xizmatchilari odob-axloqining namunaviy qoidalari:
- kasbiy madaniyatga oid umumiy odob-axloq qoidalari;
- xizmat faoliyatiga oid odob-axloq qoidalari;
- xizmatdan tashqari odob-axloq qoidalari;
- jamoatchilik, ommaviy axborot vositalari vakillari bilan munosabatlarga oid odob-axloq qoidalari;
- xizmat faoliyatidagi tashqi ko‘rinish va kiyinish uslubiga oid odob-axloq qoidalari;
- Manfaatlar to‘qnashuvini oldini olish choralari;
- davlat xizmatchilarining manfaatini himoya qilish;
- odob-axloq qoidalariga rioya etilishini nazorat qilish masalalarini tartibga soladi.
Davlat organlari, Qoraqalpog‘iston Respublikasi Vazirlar Kengashi, viloyatlar, Toshkent shahar hokimliklari va boshqa tashkilotlar 2022-yilning 25-oktabriga qadar o‘z faoliyati xususiyatlarini hisobga olgan holda odob-axloq qoidalarini tasdiqlaydi.
Mavzuga doir: O‘zbekistonda rahbarlikka tasodifan kelib qolishning oldi olinadi
Izoh (0)