Joriy yilning iyul—sentabr oylarida O‘zbekistondagi turar joylar uchun ijara narxlari tahlil qilindi. Bu haqda Markaziy bank xabar bermoqda.
Avgust—sentabr oylarida turar joylar uchun ijara narxlarida o‘sish kuzatildi. Iyul oyida mamlakat bo‘yicha ijara narxlari vaqtinchalik pasayib (mehnat ta’tili davri va o‘quv yilining yakunlanishi), so‘m birligida 2,5 foizga kamaydi (dollar ekvivalentda 2,2 foiz).
Keyingi ikki oy ichida 17 foizlik sezilarli o‘sish kuzatildi. Bu mos ravishda avgustda 8,6 foiz va sentabrda 7,7 foizni tashkil etdi.
Mamlakat bo‘ylab III chorakda ko‘chmas mulk ijara haqlari o‘zgarishi:
Toshkent shahar, Samarqand, Farg‘ona va Toshkent viloyatlarida 1 kvadrat metr uchun ijara haqi sezilarli darajada oshgan. Hozirgi vaqtda aholi tomonidan sezilayotgan ijara haqining oshishi inflyatsion kutilmalarda o‘z aksini topmoqda.
Narxlar o‘sishining asosiy omillaridan biri sifatida uy-joy va ijara haqi uchun to‘lovlarning oshishini ta’kidlagan respondentlar ulushi:
Markaziy bank tomonidan o‘tkazilgan so‘rovlar natijalariga ko‘ra joriy davrda va kelgusi 12 oy davomida narxlar o‘sishining asosiy omillaridan biri sifatida uy-joy va ijara haqi uchun to‘lovlarning o‘sishi saqlanib qolayotganligini ta’kidlagan respondentlar ulushi oshganini ko‘rish mumkin.
Izoh (0)