Жорий йилнинг июль—сентябрь ойларида Ўзбекистондаги турар жойлар учун ижара нархлари таҳлил қилинди. Бу ҳақда Марказий банк хабар бермоқда.
Август—сентябрь ойларида турар жойлар учун ижара нархларида ўсиш кузатилди. Июль ойида мамлакат бўйича ижара нархлари вақтинчалик пасайиб (меҳнат таътили даври ва ўқув йилининг якунланиши), сўм бирлигида 2,5 фоизга камайди (доллар эквивалентда 2,2 фоиз).
Кейинги икки ой ичида 17 фоизлик сезиларли ўсиш кузатилди. Бу мос равишда августда 8,6 фоиз ва сентябрда 7,7 фоизни ташкил этди.
Мамлакат бўйлаб III чоракда кўчмас мулк ижара ҳақлари ўзгариши:
Тошкент шаҳар, Самарқанд, Фарғона ва Тошкент вилоятларида 1 квадрат метр учун ижара ҳақи сезиларли даражада ошган. Ҳозирги вақтда аҳоли томонидан сезилаётган ижара ҳақининг ошиши инфляцион кутилмаларда ўз аксини топмоқда.
Нархлар ўсишининг асосий омилларидан бири сифатида уй-жой ва ижара ҳақи учун тўловларнинг ошишини таъкидлаган респондентлар улуши:
Марказий банк томонидан ўтказилган сўровлар натижаларига кўра жорий даврда ва келгуси 12 ой давомида нархлар ўсишининг асосий омилларидан бири сифатида уй-жой ва ижара ҳақи учун тўловларнинг ўсиши сақланиб қолаётганлигини таъкидлаган респондентлар улуши ошганини кўриш мумкин.
Изоҳ (0)