Toshkentdagi 3 ta tumanning ba’zi hududlari 14-oktabrda vaqtincha gazsiz qoladi (ro‘yxat)

Ta’mirlash ishlari tufayli 14-oktabr kuni Yangihayot, Sergeli hamda Yunusobod tumanlarining ba’zi joylarida gaz ta’minoti vaqtinchalik to‘xtatiladi. Bu haqda “Hududgaz poytaxt” gaz ta’minoti filiali matbuot xizmati xabar berdi.

Yangihayot tumani “Tashabbus” mahallasi hududida joylashgan gaz quvurida Yangihayot, Sergeli tumanlarining hududlarini ajratish maqsadida ta’mirlash ishlari rejalashtirilmoqda. Shu sababli 14-oktabr kuni soat 10:00 dan

Yangihayot tumani

“Tashabbus“, “Yangi umid”, “Yangi turmush“, “Humo”, “Yangihayot”, “Oriyat”, “Gulshanobod”, “Marhamat”, “Ibrat”, ”Olchazor” MFYlardagi jami 16 820 ta xonadonda hamda ushbu hududlardagi 111 ta ulgurji tashkilotlarida;

Sergeli tumani

“Madadkor”, “Ziynat”, “Mehrigiyo”, “O‘zgarish”, “Habibiy” MFYlardagi jami 8380 ta xonadonda hamda ushbu hududlardagi 31 ta ulgurji tashkilotlarida ta’mirlash ishlari tugaguniga qadar tabiiy gaz ta’minoti vaqtinchalik to‘xtatiladi.

Yunusobod tumani

Amir Temur, Shahrisabz hamda Istiqlol ko‘chalari kesishmasida joylashgan yerosti d-219 mmli o‘rta bosim gaz quvurini harakatdagi gaz quvuriga ulash ishlari rejalashtirilgan. Shu sababli 14-oktabr kuni soat 10:00 dan 17:00 ga qadar “S” 4-mavzedagi 35 ta ko‘p qavatli uylarda, Kablukova ko‘chasida hamda ushbu hududlardagi 20 ta ulgurji tashkilotlarda gaz ta’minoti vaqtinchalik to‘xtatiladi.