Тошкентдаги 3 та туманнинг баъзи ҳудудлари 14 октябрда вақтинча газсиз қолади (рўйхат)

Таъмирлаш ишлари туфайли 14 октябрь куни Янгиҳаёт, Сергели ҳамда Юнусобод туманларининг баъзи жойларида газ таъминоти вақтинчалик тўхтатилади. Бу ҳақда «Ҳудудгаз пойтахт» газ таъминоти филиали матбуот хизмати хабар берди.

Янгиҳаёт тумани «Ташаббус» маҳалласи ҳудудида жойлашган газ қувурида Янгиҳаёт, Сергели туманларининг ҳудудларини ажратиш мақсадида таъмирлаш ишлари режалаштирилмоқда. Шу сабабли 14 октябрь куни соат 10:00 дан

Янгиҳаёт тумани

«Ташаббус«, «Янги умид», «Янги турмуш«, «Humo», «Янгиҳаёт», «Орият», «Гулшанобод», «Марҳамат», «Ибрат», »Олчазор» МФЙлардаги жами 16 820 та хонадонда ҳамда ушбу ҳудудлардаги 111 та улгуржи ташкилотларида;

Сергели тумани

«Мададкор», «Зийнат», «Меҳригиё», «Ўзгариш», «Ҳабибий» МФЙлардаги жами 8380 та хонадонда ҳамда ушбу ҳудудлардаги 31 та улгуржи ташкилотларида таъмирлаш ишлари тугагунига қадар табиий газ таъминоти вақтинчалик тўхтатилади.

Юнусобод тумани

Амир Темур, Шаҳрисабз ҳамда Истиқлол кўчалари кесишмасида жойлашган ерости д-219 ммли ўрта босим газ қувурини ҳаракатдаги газ қувурига улаш ишлари режалаштирилган. Шу сабабли 14 октябрь куни соат 10:00 дан 17:00 га қадар «С» 4-мавзедаги 35 та кўп қаватли уйларда, Каблукова кўчасида ҳамда ушбу ҳудудлардаги 20 та улгуржи ташкилотларда газ таъминоти вақтинчалик тўхтатилади.