Surxondaryo viloyati Sho‘rchi tumanida 9-oktabr kuni sodir bo‘lgan YTH oqibatida 14 yoshli o‘quvchi vafot etdi. Bu haqda viloyat yo‘l harakati xavfsizligi boshqarmasi xabar berdi.
Ma’lum bo‘lishicha, 14 yoshli yigit Nexia avtomobilini boshqarib, tumanning “Yoshg‘ayrat” mahallasi hududida boshqaruvni yo‘qotgan va yo‘l-transport hodisasi sodir etgan. YTH oqibatida u bilan birga mashinada yo‘lovchi sifatida ketayotgan 14 yoshli yigit — o‘zining qarindoshi og‘ir tan jarohatlari olgan.
Ko‘rsatilgan tibbiy yordamlarga qaramay, u shifoxonada vafot etgan.
Izoh (0)