Sentabr oyida Yevropaga xom neft yetkazib berish kuniga 8,46 million barreldan oshdi. Bu 2020-yil yanvaridan beri eng yuqori ko‘rsatkichdir, deya xabar bermoqda Bloomberg.
Rossiya hamon Yevropaga eng yirik neft yetkazib beruvchi bo‘lib qolmoqda, biroq uning yetkazib berishdagi ulushi 21 foizga tushib ketdi. Bir yil avval esa u o‘rtacha 34 foizni tashkil qilardi.
Ma’lumotlarga ko‘ra, Yevropa sentabr oyida kuniga taxminan 1,78 million barrel Rossiya neftini import qildi.
Avgustga nisbatan o‘sish 5,3 foizni tashkil etdi. Afrika o‘tgan oy yetkazib berishning 37 foizini tashkil etdi.
Liviyadan import 2022-yilda eng yuqori cho‘qqiga chiqdi. Yaqin Sharqdan jo‘natilgan yuklar 2019-yil may oyidan beri eng yuqori, AQSHdan esa yanvar oyidan beri eng past ko‘rsatkichda bo‘ldi.
Oktyabr oyi boshida Yevropa Ittifoqi Rossiyaga qarshi sanksiyalarning sakkizinchi paketini tasdiqlagan edi.
Bu, xususan, Rossiya nefti narxining yuqori chegarasini joriy qilishni o‘z ichiga oladi. Xomashyoning maksimal narxi qancha bo‘ladi, ochiqlanmagan.
Avvalroq OPEK+ davlatlari kunlik neft qazib olish hajmini 2 million barrelga qisqartirishi haqida xabar berilgan edi.
Izoh (0)