Global uy xo‘jaliklari boyligi 2008-yilgi yirik moliyaviy inqirozdan keyin birinchi marta sezilarli darajada qisqarishi kutilmoqda. Bu haqda Allianz hisobotiga tayanib Bloomberg xabar bermoqda.
Chorshanba, 12-oktabr kuni e’lon qilingan global boylik hisobotida ta’kidlanishicha, uy xo‘jaliklarining moliyaviy aktivlari uch yillik rekord darajadagi o‘sishdan so‘ng, 2022-yilda nominal 2 foizdan ko‘proq pasayishi mumkin.
Tadqiqotchilar bu yilni global boylik uchun sezilarli o‘zgarishlar bo‘ladigan “burilish nuqtasi” deb atamoqda.
Pul-kredit siyosatining keskinlashuvi iqtisod va bozorlarni siqib chiqarmoqda — uy xo‘jaliklarining boyligi 10 foizga qisqaradi, — deyiladi Allianz hisobotda.
Rossiyaning Ukrainaga qarshi urushi pandemiyadan keyingi iqtisodiy tiklanishni to‘xtatib qo‘ydi va oziq-ovqat hamda energiya narxlarining ko‘tarilishiga olib keldi.
Bu esa butun dunyo bo‘ylab markaziy banklarni qarz olish xarajatlarini oshirishga majbur qildi.
Aksariyat fond bozorlari yilni “qizil rangda” — zarar bilan yakunlash ehtimoli juda katta.
Avvalroq kambag‘al davlatlar sog‘liqni saqlashga G‘arbdan to‘rt baravar kam mablag‘ sarflashi haqida xabar berilgan edi.
Izoh (0)