AQSH Mudofaa vaziri Lloyd Ostinga ko‘ra, urush boshlangandan beri Amerikaning Ukrainaga bergan harbiy yordamining umumiy miqdori 16,8 milliard dollarga yetgan. Bu haqda “Kommersant” xabar bermoqda.
Prezident Jo Bayden boshchiligida AQSHning Ukrainaga xavfsizlik bo‘yicha ko‘rsatgan yordam miqdori hozirda 16,8 milliard dollarga yetganini e’lon qilishdan mamnunman va o‘zlarining yordamini taqdim etishda davom etayotgan ittifoqchilarimizdan minnatdorman, — dedi mudofaa vaziri.
Ostinning so‘zlariga ko‘ra, AQSH Ukraina ehtiyojlarini qondirish uchun o‘zining sanoat bazalariga sarmoya kiritishni ko‘paytirmoqda.
Bundan tashqari, yaqin haftalarda AQSH Ukrainaga yana 4,5 milliard dollar moliyaviy yordam ajratadi.
The Washington Post’ga ko‘ra, AQSH prezidenti Jo Bayden Zelenskiydan mamlakat harbiy yordami yetishmasligidan shikoyat qilishni bas qilishni so‘ragan.
Baydenning aytishicha, agar Ukraina prezidenti bu yetarli emasligini aytishda davom etsa, unga Kongressdan yordam so‘rash qiyin bo‘ladi.
Izoh (0)