Yil boshidan beri O‘zbekistonda tovarlar eksporti qanday o‘zgargani tahlil qilindi. Bu haqda “Daryo”ga Iqtisodiy tadqiqotlar va islohotlar markazi xabar bermoqda.
Davlat bojxona qo‘mitasi ma’lumotlariga ko‘ra, yil boshidan 30-sentyabrga qadar tovarlar eksporti hajmi o‘tgan yilning mos davriga nisbatan 25,5 foizga oshgan.
Tovarlar eksport hajmining sezilarli o‘sishi Samarqand (35,5 foiz), Andijon (35,3 foiz), Sirdaryo (31 foiz), Qashqadaryo (29,2 foiz), Namangan (29,1 foiz) viloyatlarida va Toshkent shahrida (55,3 foiz) qayd etildi.
O‘zbekiston eksportining o‘sishi sanoat mahsulotlari, oziq-ovqat mahsulotlari, kimyo va qishloq xo‘jaligi mahsulotlari eksportining o‘sish sur’atlari bilan izohlanadi.
Tovar eksportining qisqarishi, Surxondaryo (10 foiz), Buxoro (5,4 foiz) viloyatlarida va Qoraqalpog‘istonda (10,2 foiz) kuzatildi.
Eksport hajmining kamayishi Buxoro viloyatida paxta tolasining ichki bozorga yo‘naltirilganligi bilan, Qoraqalpog‘istonda plastmassa va undan tayyorlangan mahsulotlar, ip-kalava va farmatsevtika mahsulotlari eksportining kamayishi bilan, Surxondaryo viloyatida meva-sabzavot mahsulotlari eksportining kamayishi bilan bog‘liq.
Avvalroq yil boshidan beri O‘zbekiston qaysi davlatga eng ko‘p meva eksport qilgani ma’lum bo‘lgani haqida xabar berilgandi.
Izoh (0)