Yil boshidan beri O‘zbekistonda banklar tomonidan berilgan kreditlar va tovar-xomashyo birjasida tuzilgan bitimlar hajmi qanday o‘zgargani tahlil qilindi. Bu haqda “Daryo”ga Iqtisodiy tadqiqotlar va islohotlar markazi xabar bermoqda.
Joriy yilning 1-yanvaridan 30-sentyabrigacha bo‘lgan davrda banklar tomonidan berilgan kreditlar hajmi o‘tgan yilning mos davriga nisbatan 6,6 foizga o‘sdi.
Berilgan kreditlar hajmining o‘sishi Farg‘ona (29,8 foiz), Toshkent (24 foiz), Samarqand (17,7 foiz), Andijon (16,1 foiz) viloyatlarida, Qoraqalpog‘istonda (18,3 foiz) va Toshkent shahrida (11,3 foiz) kuzatilgan.
Tahlil qilinayotgan davrda O‘zbekiston tovar-xomashyo birjasida tuzilgan bitimlar hajmi 41,3 foizga o‘sdi.
Birjada savdo faolligining sezilarli o‘sishi Xorazm (60,5 foiz), Jizzax (58,3 foiz), Navoiy (46,6 foiz), Samarqand (46,1 foiz) viloyatlarida va Toshkent shahrida (53,6 foiz) kuzatildi.
Ushbu hududlarda tuzilgan bitimlar hajmining o‘sishi mineral o‘g‘itlar, texnik chigitlar, avtomobil benzini, dizel yoqilg‘isi, qurilish va xo‘jalik materiallari, o‘simlik yog‘i, bug‘doy uni, shakar, paxta tolasi, etil spirti va boshqa mahsulotlar savdosining ko‘payishi hisobidan erishilgan.
Yil boshidan beri 70 563 ta yangi korxonalar tashkil etilib, ularning eng ko‘pi Samarqand (8 398), Qashqadaryo (6 812), Farg‘ona (6 720), Toshkent (5 212), Xorazm (4 567) viloyatlarida va Toshkent shahrida (11 700) ro‘yxatga olingan.
Izoh (0)