Bolgariya 20-oktabrdan rasmiy pasportga ega Rossiya fuqarolari uchun viza rejimini joriy qiladi. Fuqarolarning o‘zaro sayohatlari bo‘yicha ikki tomonlama kelishuvni to‘xtatib turish to‘g‘risidagi qaror 12-oktabr kuni mamlakat Vazirlar kengashi tomonidan qabul qilindi, deb xabar beradi “RBK”.
Shu sababli amaldagi Rossiya rasmiy pasporti egalari endi Bolgariyaga vizasiz kirish, tranzit o‘tishi va vaqtincha yashash huquqiga ega bo‘lmaydi. Ilgari ular mamlakatda 90 kungacha vizasiz qolishi mumkin edi.
Rossiyadan kelgan diplomatik pasport egalari uchun viza rejimi 2022-yil fevral oyi oxirida joriy qilingan. Tegishli qaror Yevropa Ittifoqi darajasida qabul qilingan edi.
Bolgariya hukumatining qarori bilan Rossiya xizmat pasporti egalari uchun ham vizasiz kirish huquqi endilikda tugatiladi.
Avvalroq Chexiya hukumatining 25-oktabrdan rossiyaliklarga turistik viza bilan kirishni taqiqlashi haqida xabar berilgan edi.
Izoh (0)