Болгария 20 октябрдан расмий паспортга эга Россия фуқаролари учун виза режимини жорий қилади. Фуқароларнинг ўзаро саёҳатлари бўйича икки томонлама келишувни тўхтатиб туриш тўғрисидаги қарор 12 октябрь куни мамлакат Вазирлар кенгаши томонидан қабул қилинди, деб хабар беради «РБК».
Шу сабабли амалдаги Россия расмий паспорти эгалари энди Болгарияга визасиз кириш, транзит ўтиши ва вақтинча яшаш ҳуқуқига эга бўлмайди. Илгари улар мамлакатда 90 кунгача визасиз қолиши мумкин эди.
Россиядан келган дипломатик паспорт эгалари учун виза режими 2022 йил февраль ойи охирида жорий қилинган. Тегишли қарор Европа Иттифоқи даражасида қабул қилинган эди.
Болгария ҳукуматининг қарори билан Россия хизмат паспорти эгалари учун ҳам визасиз кириш ҳуқуқи эндиликда тугатилади.
Аввалроқ Чехия ҳукуматининг 25 октябрдан россияликларга туристик виза билан киришни тақиқлаши ҳақида хабар берилган эди.
Изоҳ (0)