25-oktabrdan boshlab Rossiya fuqarolari Chexiyaga Yevropa Ittifoqining Shengen vizasi bilan kira olmaydi, deya xabar berdi Meduza. Bu haqda Novinkiyning so‘zlariga ko‘ra, Chexiya tashqi ishlar vaziri Yan Lipavskiy ma’lum qildi.
“Biz (hukumat) turizm, madaniyat va sport maqsadlarida qisqa muddatli Shengen vizalarini olgan Rossiya fuqarolariga nisbatan choralar ko‘rmoqdamiz. Ularning Chexiyaga kirishi taqiqlanadi. Bu birinchi navbatda, Praga aeroporti orqali kelgan Rossiya fuqarolariga taalluqlidir. Rossiya rejimi tinch aholi obyektlarini bombardimon qilayotgan bir vaziyatda bunga ko‘z yuma olmaymiz”.
Chexiya ichki ishlar vaziri Vit Rakusan hukumatning barcha a’zolari qarorga rozi ekanligini tasdiqladi.
“Bu Chexiya Respublikasining aniq pozitsiyasini ifodalovchi choradir”, — dedi u.
Izoh (0)