Polsha Tashqi ishlar vazirligi o‘z fuqarolariga Belarusga bormaslikni, u yerdagi polshaliklarga esa respublikani tark etishni tavsiya qildi. Tegishli bayonot vazirlikning rasmiy saytida paydo bo‘ldi.
“Mintaqada keskinlikning kuchayishi, harbiy hodisalar va Polsha fuqarolarining hibsga olinishi bilan bog‘liq takroriy holatlar munosabati bilan TIV Polsha fuqarolariga Belarus respublikasiga bormaslikni tavsiya qiladi”, — deyiladi xabarda.
Vazirlik ta’kidlashicha, “xavfsizlik holati keskin yomonlashganda, chegaralar yopilganda yoki boshqa kutilmagan vaziyatlarda evakuatsiya qilish sezilarli darajada qiyin, hatto imkonsiz bo‘lib qolishi mumkin”.
“Biz Belarus respublikasi hududida bo‘lgan Polsha fuqarolariga u yerni mavjud tijoriy va xususiy transport vositalarida tark etishni tavsiya qilamiz”, — deyiladi bayonotda.
27-sentabr kuni AQSH elchixonasi o‘z vatandoshlarini Rossiyaga bormaslikka, u yerda yashayotgan yoki sayohat qilayotgan amerikaliklarni “imkoniyat tug‘ilishi bilan” darhol chiqib ketishga chaqirgan edi. Britaniya va Italiya rasmiylari ham o‘z fuqarolarini zudlik bilan Rossiyani tark etishga chaqirgan.
Izoh (0)