“Tottenhem” Antonio Konte bilan yangi shartnoma imzolash imkoniyatini ko‘rib chiqmoqda.
Xabarga ko‘ra, ingliz klubi xo‘jayinlari italiyalik mutaxassisga 23 million yevro taklif qilib, uni liganing eng ko‘p maosh oluvchi murabbiyiga aylantirmoqchi.
Shuningdek, “shporlar” rahbariyati klubning amaldagi murabbiyiga ishonch bildirayotgani va shartnomani qayta imzolash bilan bog‘liq muammolarni yaqin vaqt ichida hal qilmoqchi ekanligi ham ma’lum qilingan.
Eslatib o‘tamiz, Antonio Konte 2021-yil noyabr oyidan buyon “Tottenhem”ni boshqarib kelmoqda. Murabbiyning London klubi bilan shartnomasi 2023-yil iyun oyida o‘z nihoyasiga yetadi.
Premyer Liganing ortda qolgan 9 turidan so‘ng “shporlar” 20 ochko jamg‘argan holda 3-o‘rinni egallab turibdi. Musobaqa peshqadami “Arsenal”dan 4 ochko ortda qolmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)