«Тоттенҳэм» Антонио Конте билан янги шартнома имзолаш имкониятини кўриб чиқмоқда.
Хабарга кўра, инглиз клуби хўжайинлари италиялик мутахассисга 23 миллион евро таклиф қилиб, уни лиганинг энг кўп маош олувчи мураббийига айлантирмоқчи.
Шунингдек, «шпорлар» раҳбарияти клубнинг амалдаги мураббийига ишонч билдираётгани ва шартномани қайта имзолаш билан боғлиқ муаммоларни яқин вақт ичида ҳал қилмоқчи эканлиги ҳам маълум қилинган.
Эслатиб ўтамиз, Антонио Конте 2021 йил ноябрь ойидан буён «Тоттенҳэм»ни бошқариб келмоқда. Мураббийнинг Лондон клуби билан шартномаси 2023 йил июнь ойида ўз ниҳоясига етади.
Премер Лиганинг ортда қолган 9 туридан сўнг «шпорлар» 20 очко жамғарган ҳолда 3-ўринни эгаллаб турибди. Мусобақа пешқадами «Арсенал»дан 4 очко ортда қолмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)