Ikkinchi oltin. O‘zbekistonlik dzyudochi Muzaffar To‘raboyev jahon chempioniga aylandi

Toshkent shahrida dzyudo bo‘yicha 2022-yilgi Jahon chempionati davom etmoqda.

-100 kg vazn toifasida O‘zbekiston terma jamoasi vakili Muzaffar To‘raboyev 11-oktabr kungi bahslarda ishtirok etdi.

To‘raboyev dastlabki bosqichda amerikalik Smitdan ustun keldi, keyingi davrada  gruziyalik Varlam Liparteliani taslim etildi. Chorak finalda kanadalik Sheydi Elnahas, keyingi bosqichda esa niderlandiyalik Mihael Korrelni yengdi.

Finalda o‘zbekistonlik sportchiga Kanada vakili Kayl Reyes raqib bo‘ldi. To‘raboyev bu raqibini ham yenggan holda, jahon chempionligini qo‘lga kiritdi.

10-oktabr kungi bahslarda Davlat Bobonov Jahon chempionati oltin medaliga ega chiqqandi.