O‘zbekiston terma jamoasi noyabr oyida Qozog‘iston bilan xalqaro o‘rtoqlik o‘yinida ishtirok etadi.
O‘yin haqida Qozog‘iston terma jamoasi bosh murabbiyi Magomed Adiyev o‘z fiklarini bildirib o‘tdi.
O‘zbekistonni Yevro—2024 saralash bosqichiga tayyorgalik uchun yaxshi raqib deb hisoblayman. Ushbu o‘yin murabbiylar shtabi uchun juda foydali ma’lumotlarni olish uchun imkoniyat beradi. O‘zbekistonda yuqori saviyadagi futbolchilar bor. Bo‘lajak Yevropa chempionati saralashida ishonch bildirmoqchi bo‘lgan futbolchilarni sinab ko‘rmoqchiman. Qiziqarli o‘yin bo‘lishiga ishonchim komil.O‘zbekiston va Qozog‘iston terma jamoalari o‘rtasidagi bahs 16-noyabr kuni Toshkentning “Paxtakor” stadionida bo‘lib o‘tadi.Magomed Adiyev, Qozog‘iston terma jamoasi bosh murabbiyi
Jamoalar umumiy hisobda 6 marta to‘qnash kelgan, ularning 2 tasida O‘zbekiston g‘alaba qozongan bo‘lsa, bittasida Qozog‘iston zafar quchgan. Qolgan uchta o‘yinda durang natija qayd etilgan.
Qozog‘iston Yevropa Millatlar ligasida muvaffaqiyatli qatnashib, B Liga yo‘llanmasini qo‘lga kiritdi.
O‘zbekiston terma jamoasi FIFA reytingida 77-o‘rinni egallab turibdi.
Srechko Katanes shogirdlari sentabr oyida xalqaro o‘rtoqlik o‘yinlari doirasida Kamerun ustidan 2:0 hisobida g‘alaba qozongan, Kosta-Rikaga qarshi bahsda esa 1:2 hisobida mag‘lub bo‘lgandi.
Izoh (0)